-- Advertisements --
INTERNATIONAL NEWS– Ginpahayag han World Health Organization (WHO) nga malinampuson na nga natangal han Nepal an rubella kumo public health concern.
An rubella in usa nga nakakatapon nga sakit ngan delikado partikular na ha mga burod, pero ine in nalilikayan pinaagi han bakuna.
Subay ha WHO, an kadaugan han Nepal in resulta han madig-on nga gobyerno, dedikasyon han mga health worker ngan boluntaryo, ngan suporta han mga komunidad.
Tikang han 2012 – 2024, nagdumara an Nepal hin upat nga national vaccination program kontra ha rubella, nga umabot ha sobra 95% coverage.
Mababaruan, an Nepal an ika-unom nga nasud ha WHO South-East Asia Region nga nagkaada hin rubella elimination, kasunod hine an Bhutan, Korea, Maldives, Sri Lanka, ngan Timor-Leste.
