TACLOBAN CITY – Padayun nga gindudumara hiton Department of Education (DepEd) an National Learning Camp nga nakahan-ay ha MATATAG Agenda hiton Vice President ngan DepEd Secretary Sara Duterte nga may-ada naman tema nga Bansang Maka-bata, Batang Makabansa Agenda.
Sumala kan Jasmin Francisco-Calzita, Information Officer hiton Department of Education (DepEd) Regional Office 8, an nasabi nga aktibidad in boluntaryo la ngan kaparte ine hiton learning recovery efforts hiton DepEd nga mabuligan an mga kabataan nga kinahanglanon ma-improve an mga foundational mathematics, ngan foundation english skills.
Pwede naman daw bumulig an bisan anu nga grade levels kun diin gin tatalinguha han mga ine nga macover an ngatanan nga mga subjects ngan dire la an English, Science, ngan Mathematics.
Pagbubuhaton naman an nasabi nga National Learning Camp ha sulod hin maabot ha 3-5 kasemana ngan mayda ine tulo nga camp groups amu an enhancement camp, intervention camp, ngan consolidation camp.
