TACLOBAN CITY – Dakop han mga otoridad an usa nga lalaki nga nagpakilala nga pulis ha mga botante ha Brgy. Binobokalan, Hinabangan, Samar.
Sumala kan PSSupt. Nicolas Torre, Provincial Director han Samar Police Provincial Office (SPPO) nga nagpakilala an suspek kumo Police Inspector Jay Bernard Salidaga nga residente han San Isidro, Leyte.
Guinpahayag guihapon hini nga guin-aghat han suspek an mga botante nga botosan an paryente hini nga usa nga kandidato ha guindumara nga eleksyon kakulop nga adlaw.
Nakuha ha possession han suspek an usa nga radyo, mga bala hin pusil ngan usa nga posas.
Samtang, nakuha liwat tikang ha suspek an peke nga ID ngan pusil nga mulayan.
Dugang pa hini nga gawas la han peke nga pulis, nadakop liwat han mga kapulisan an lima nga botante nga may warrant of arrest ha Daram ngan usa liwat hini ha Gandara, Samar.
