TACLOBAN CITY – Nagpalusad hin panibag-o nga abiso kasumpay ha local red tide ngan shellfish ban an buhatan han Bureau of Fisheries and Aquatic Resources Region 8.
An masunod nga walo na mga kadagatan/bay ha rehiyon in ada ha ilarom han SHELLFISH BAN mahitungod nga nagpositibo ha saxitoxin nga nagdudurot hin Paralytic Shellfish Poisoning an mga shellfish meat samples nga ginkolekta hini nga mga lugar:
- 1. DARAM ISLAND, Samar
- 2. ZUMARRAGA ISLAND, Samar
- 3. CAMBATUTAY BAY, Tarangnan, Samar
- 4. MATARINAO BAY (General MacArthur, Quinapondan, Hernani, ngan Salcedo)
- 5. CANCABATO BAY in Tacloban City
- 6. IRONG-IRONG BAY, Catbalogan City
- 7. VILLAREAL ISLAND, Villareal, Samar
- 8. MAQUEDA BAY, Samar (Jiabong, Motiong, Paranas, San Sebastian, Calbiga, Pinabacdao, Hinabangan)
Mahugot nga igindidiri an PANGUHA, PAGKAON ngan PANGOLEKTA hin ngatanan nga klase hin PANTI-ON o SHELLFISH ngan Acetes sp. “Alamang” nga tikang hinin nga mga kadagatan. An hin-o man nga matalapas hinin nga SHELLFISH BAN in mayada aatubangon nga penalidad.
Samtang, nagpapabilin la gihapon an LOCAL RED TIDE WARNING hadin nga mga areas:
- 1. Coastal Waters of BILIRAN ISLAND
- 2. Coastal Waters of CALBAYOG, SAMAR
- 3. CARIGARA BAY (Babatngon, San Miguel, Barugo, Carigara, Capoocan, Leyte)
An isda, nu-os, pasayan, ngan masag nga tikang hinin nga mga kadagatan in PWEDE IGKONSUMO bisan tikang hini nga mga kadagatan basta siguraduhon la naton na presko an mga inin, tatanggalan han ira mga laman-loob sugad han tina-i ngan hasang, ngan huhugasan hin maupay gamit an running water.
