-- Advertisements --
NATIONAL – Ginsagdunan ni Sen. Joel Villanueva an mga empleyado nga waray pa makakarawat hin 13th month pay nga puydi hira magpasaka hin reklamo kontra ha ira mga employers.
Sumala kan Villanueva, kaupod hira han Senado ha panawagan ni Labor Sec. Benny Laguesma nga siguraduhon nga nakakarawat na an mga mananarabaho han ira 13th month pay.
Basar ha Presidential Decree No. 851, ginmamandato nga usa nga legal obligation an paghahatag han mga employers han mao nga benepisyo.
Samtang, ginaaghat naman ni Villanueva an mga empleyado ngan mga mananarabaho nga kutob yana in dire pa nakakarawat han ira 13th month pay nga magpasaka hin reklamo ha National Labor Relations Commission kontra ha ira mga employers.
