TACLOBAN CITY – Malinampuson nga nagkadadakop an maabot 305 nga mga warranted persons ha Sinirangan Bisayas ha pito ka adlaw la nga operasyon han mga kapulisan han nakalabay nga semana.
Sumala kan Police Regional Office 8 Regional Director , Police Chief Superintendent Gilberto Cruz, nga maikokonsidera nga “record breaking” an mao nga operasyon mahitungod han kadamo han nagkadadakop ha sakob la hin usa ka semana.
Dugang pa ni Cruz an mga naaresto in dati na nga may kaso nga homicide, murder, robbery ,theft, rape ngan pagtalapas han RA 9165.
Lalauman nga ha masunod nga adalaw mas madamo pa an maaresto nga mga warranted person.
Mababaruan nga nagkaada mandato Regional Director Cruz ha tanan nga mga police stations ha rehiyon otso magkaada hin simultaneous implementation ha pag aresto hadton mga warranted persons mahitungod nga usa an Sinirangan Bisayas ha pinakadako an ihap han mga may standing warrant of arrest.
