TACLOBAN CITY- Kalugaringon na formula an guinhimo han naging Top 7 na taga Burauen, Leyte ha pinakaurhi na resulta han Licensure Examination for Teachers( LET Exam).
Sumala kan Felicito Naboya Badion Jr. nga nag gradwar ha Leyte Normal University, nga ha kaluyo han mga namemorya hini na formula ha pagiging Mathematics major, in naghimo ini hin kalugaringon na formula nga ” God + study = success” para mahilakip ha Top 10 han LET Exam result.
Aminado naman hi Badion na target hini na maging Top 1 ha examination amo na guinbuhat hini an ngatanan kun diin nakab-ot hini an ika-7 na pwesto pinaagi ha naangkon na 91.60 na rating.
Samtang, guinduon naman hini na an kakurian ha kinabuhi an naging inspirasyon hini para makab-ot an mga hingyap ha kinabuhi.
Man ngani, guintaltag hini an importansya han edukasyon ngan nagbilin liwat ini hin mensahe ha mga kabatan unan.
