TACLOBAN CITY – Usa na liwat nga munisipyo hiton Northern Samar an gindeklara nga drug-cleared yana nga bulan hiton Agosto.
Sumala kan Rogelette Urgel, Information Officer hiton Philippine Drug Enforcement Agency Regional Office 8, usa na nga certified drug-cleared municipality iton munisipyo han Palapag, Northern Samar kun diin gindeklara ine dida han nakalabay nga Agosto 6 presente nga tuig.
Gindumara an deklarasyon durante han pagharampang han Regional Oversight Committee on Barangay Drug Clearing ha New Legislative Hall, People’s Center Compound.
Presente gihapon ha nasabi nga aktibidad hi Atty. Jacquelyn L. De Guzman, iton Regional Director han Philippine Drug Enforcement Agency Regional Office 8 ngan iba pa nga mga opisyales.
Mahitungod hine nga development in nag ika-14 nga bungto an Palapag ha 24 nga munisipalidad han Northern Samar nga gin deklara kumo drug-cleared municipality ngan syahan naman ha probinsya nga nag-sunod ha gin talaan nga mga bag-o nga parameters nga gin patuman para han drug-clearing.
Samtang, an napulo nga nasasalin pa nga mga munisipyo in pagde-delibirasyunan pa.
