TACLOBAN CITY – Naglunsar an munisipalidad han Caibiran, Biliran in usa nga online christmas caroling contest para hiton ira mga residente.
Sumala kan Hon. Rhodessa Delante – Revita, Alkalde han Caibiran, Biliran, nga an mao nga proyekto in gintawag nira nga “Paskong Pamilya ha Pandemya” online caroling contest.
Kinahanglan la han usa ka pamilya nga magpost hin video nga hira in nakanta hin a capella christmas song ngan an palaran nga magdadaog ha final round in makakarawat hin 5,000 pesos nga cash prize.
Panuyo han mao nga paisan-isan nga matagan hin kalipayan ngan paglaum an kada pamilya yana nga kapaskohan ha luyo han ginkakaatubang nga pandemya ngan sunod sunod nga mga kalamidad.
Samtang, ginklaro naman hini nga an mao nga online caroling contest in eksklusibo la para han mga pamilya nga residente han Caibiran, Biliran.
