TACLOBAN CITY – Igin pahimatngon han Department of Trade and Industry nga yana nga tuig 2025, an pinakaprayoridad han mao nga ahensya in an digitalization han mga Micro Small and Medium Enterprises (MSME) ha probinsya agud i-upgrade an pag aghat ha publiko pamalit han mga produkto tikang ha Leyte.
Sumala kan Department of Trade and Industry Business Development Division Chief Pedro Bimbo Tan, kasagaran ha mga producers han probinsya nga gin susuportahan han DTI in waray mga kalugraingon website ngan apps agud ig promote ngan pag tindahan han ira mga produkto kun diin, an kaurugan nga gamit la han mga producers in mga an facebook market place agud ig baligya an ira mga produkto.
Gin aaghat han DTI an mga MSMEs nga mag adapt digitally mahitungod nga an pag aadapt ha digitalization in an kabubuwason han mga negosyo hini.
Kun diin, gin admitar ni Tan nga kun an usa nga negosyante in waray presensya digitally, an market ug kita han mao nga entrepreneur in limitado la
Gin sigurado naman ni Tan nga waray kabarak-an an mga MSMEs mahitungod nga padayon an paghahatag han ahensya hin mga pamaagi ug trainings agud mas maging maupay ngan presentable an mga produkto hini online sugad man buligan an mga ini nga makabaligya digitally han ira mga produkto ha kaluyo han makusog nga kompetisyon ha business world. (via Bombo Niña Magpili)
