INTERNATIONAL – Lumutaw ha pinakabag-o nga datos han World Health Organization nga nagpakita hin 3,191 nga bag-o nga kumpirmado nga kaso han mpox ha bug-os nga kalibutan, nga mayda pag-ubos hin 18.2% tikang ha nakalabay nga bulan, kun diin 88% han mga kaso nahipatik ha African Region.
Ha nakalabay nga unom kasemana, an Uganda an mayda pinakahitaas nga ihap han kumpirmado nga kaso han mpox ha mundo nga umabot na ha 300 nga bag-o nga kaso kada semana.
An Democratic Republic of the Congo an nagpapabilin nga pinakaapektado tikang han pagtitikang han pagsarang han nasabi nga sakit, pero dire sigurado kun tinuod gud nga umubos an kaso mahitungod ha paghinay han mga panginano, kun diin padayon nga nalibot an clade Ia ngan Ib MPXV ha nasabi nga nasud.
Ha Burundi, padayon an pag-ubos han kumpirmasdo nga kaso tikang ha sobra 200 kada semana ngada ha mas hamubo ha 50 kada semana.
An Brazil, Republic of Congo, ngan United Republic of Tanzania in nakaghipatik han ira syahan nga kaso han mpoc nga duro ngan clade Ib MPXV, ngan an Republic of Congo an syahan nga nasud nga mayda co-circulation han clade Ia ngan Ib MPXV ha gawas han Democratic Republic of the Congo.
