-- Advertisements --
ENTERTAINMENT NEWS- Ginsirotan nga mapreso hin duha katuig hiton korte ha Vietnam hi Miss Grand International 2021 Nguyen Thuc Thuy Tien.
May kalabutan ine ha kaso hiton promosyon hiya han fiber supplements nga Kera Supergreens Gummies.
Makaka-upod hine nga mapreso an mga social media influencers nga hira Pham Quang Linh ngan Hang Du Muc.
Nagawas ha panginano han korte nga mayda 0.935 percent la han fiber an gummies nga ira ginpro-promote.
Aminado naman hi Tien nga iya ginhimo an promosyo paa magkamayda ine hin salapi.
Manunumuman, una na nga naaresto an Vietnamese beauty queen hadton Mayo matungod ha kaso nga fraud.
