CEBU CITY – Pagbubuhaton ha Cebu City an Miss Asia Pacific International 2026, diin ine na an ikaduha katuig nga magigin host an “Queen City of the South”.
Ine na an ika-42 nga edisyon han international pageant, nga gintukod ha Manila han 1968 ngan ginkilala nga pinaka-siyahan nga international beauty pageant nga nagtikang ha Asya.
Manunumduman, han nakalabay nga bulan, naputos hin kahadlok an mga kandidata mahuman bay-ugon hin 6.8 magnitude nga linog an Cebu.
Imbes maging tradisyonal nga kompetisyon, nagin sentro ine hin charity ngan outreach efforts, diin nagburublig an mga kandidata agud bumulig ha mga naapektaran nga residente.
Ha pagkayana, kapot ni Isabela Fernandes han Brazil an korona mahuman an nagin kadaugan ni Francielly Ouriques.
Nagpapabilin nga nangunguna an Pilipinas ha kasaysayan han pageant, nga mayda lima nga korona tikang han magtikang ine kumo Miss Asia Quest.
Yana nga tuig, tema han kompetisyon an “Beauty Bridging the World,” nga may panuyuan nga pag-usahon an magkadiru-dilain nga kultura gamit an kahusayan ngan pagkaurusa.
