Nagin mapaso nga istoryahon ha usa nga sikat nga talk show ha Thailand an kakaiba nga offer han usa nga misis ha kabit han iya mister.
Ini in “upahan” an iya mister ha kantidad nga 30,000 Baht o kaparehas han P47,000 kada bulan. Mas iginkakalas pa han kadam-an han tumugot an kabit ngan ginmalatumat nga “dire problema an salapi,” pero pumalag ngan waray tumugot an mismo nga mister ha sabot.
Ha pakighimangraw han TV show nga Hone Krasae, iginpahayg han 31-anyos nga misis nga igintago ha ngaran nga “Kwang” an panhitabo. Napulo katuig na hira nga mag-asawa han irya mister nga pulis ngan mayda na hira 8-anyos nga anak. Nagtikang magtahap hi Kwang dida han 2025 han agsub na nga nauli hind dis-oras hin gab-i an iya mister. Mahitungod hini, kumuha hiya hin private investigator nga ginbabayaran niya hin 10,000 Baht (P15,000) kada adlaw. Madagmit naman nga nadakop an mister ha usa nga condo ha Ramkhamhaeng kaupod an iya kabit.
Bisan man kun umuli an mister ngan nagpatapod nga dire na mambababaye, usa ka-umagahon in nahimangno ini nga lisang, nagtutuok, ngan gin amin nga dire niya akos bayaan an iya kabit. Kumo bulos, naghimo hi Kwang hin “husband rental agreement.” Papabay-an niya nga mag-upod an duha kabalyo han binulan nga renta, pero maduon hine nga iginduon nga dire hiya makikigbulag o divorce.
Nagpasaka na gihapon hin lul-on nga kaso hi Kwang bisan pa man kun naghangyo an commander han iya mister nga dire igdayon an kaso nga administratibo mahitungod nga makakaapekto ini ha loan guarantees han pulis ha gobyerno.
Ha lain nga bahin, gin klaro han abogado nga hi Atty. Pat Anusorn nga an “husband rental contract” in dire ginkilala ha Thailand. Subay ha balaod, an anuman nga kasabutan nga nagtutugot ha pangangabit kabalyo han salapi in maikokonsidera nga void o waray bisa. Karuyag-sidngon, waray habol an misis kun dire magtuman an kabit ha ginkasabutan nga “kontrata”,
