-- Advertisements --
ENTERTAINMENT – Tumalikod na ha kadayunan an guitarist ngan songwriter han banda nga Mott the Hoople nga hi Mick Ralphs ha edad nga 81.
Ginkumpirma ini han banda kun diin waray ginyakan pa an rason han kamatayon hini.
Usa hi Ralphs ha mga miyembro han nagporma han banda dida han tuig 1969 pero lumakat hiya mahuman hin upat katuig para umapi ha Bad Company.
Usa han ira mga pinakasikat nga kanta in amo an “All The Young Dudes” nga ginsurat ni David Bowie nga umabot ha numero 3 ha charts han single ha United Kingdom.
Hi Ralphs in urhi nga nagpasundayag upod han Bad Company dida han Oktubre 2016, kun diin nagkaada hiya hin stroke paglabay han pira ka bulan.
