TACLOBAN CITY – Kinahanglan nga magkamay-ada hin kontrol ha mga impormasyon nga ginpapasarang o ginpapasamwak an mga indibidwal nga ada ha industriya han vlogging, sumala kan media practitioner DJ Rene Castino.
Yana daw nga panahon in mayda na gudman pira nga vloggers nga gin hihimo nga pakabuhi an pagsuporta ha pulitiko, kun diin naayon liwat hine an mga pulitiko mahitungod han damo nga taga-suporta han vlogger/s ngan mayda gihapon pira ha mga ine an maungod ha pagyakan hin mga yaraknon.
Ine in mahitungod nga waray gudman ginsusunod nga mga aludayday an mga vloggers, dire parehas han media nga nagsusunod o ada ha ilarom han Kapisanan ng mga Brodkaster ng Pilipinas (KBP) o mga polisiya han kompanya.
Dugang pa hine, waray kontrol an mga vloggers sanglit panuyuan gihapon han tri-committee nga mag-regulate an mga ine mahitungod nga danay in napatakas la an mga ine ha panyakan hin bisan anu ngan para la mayda igkahambog ha ira mga followers.
Mababaruan nga ha industriya han media, may-ada ginsusunod nga mga polisiya ngan aludayday an ngatanan nga media practitioners kun diin an kamatuuran la an kinahanglan nga ig pasamwak ngan dire mabulig ha bisan diin nga partido kundi ha butnga la han mga ine.
