TACLOBAN CITY – Utro nga nabalik an pagdamo han mga nakakarawat nga mga text scams han publiko ha kaluyo han gindumara nga simcard registration dida han nakalabay nga tuig.
Sumala kan Engr. Willie Zabala, Regional Director hiton National Telecommunications Commission Regional Office Vlll, naba-blocked naman daw han mga telcos an mga text scams pero mayda gudla daw gihapon mga nakakasulot kun diin amu an mga nakakarawat han mga users.
In kaso naman nga magreklamo an usa nga user kasumpay han iya nakarawat nga text scams in makikilal-an naman daw an mga nagpapadara hin text scams pero kinahanglan hin law enforcement agency nga magrerequest han ngaran han text scammer.
Gin abisuhan naman hine an publiko nga ig blocked an mga number nga magsesend hin text scams agud dire na umutro ngan nagpahinumdom gihapon ine nga dire magclick hin mga link nga tikang ha text scams agud malikayan an pagsarang o pagkakuha han mga personal nga impormasyon.
