Gin anunsyo na han Society of Philippine Entertainment Editors an mga nominado para ha ika-9 nga edisyon han The EDDYS (The Entertainment Editors’ Choice), kaupod an mahugot nga agaway ha kategorya nga Best Actress.
Gindumara an anunsyo dida han Hunyo 25 ha usa nga hotel ha Quezon City, nga gindunganan hin live streaming ha YouTube.
Kaupod ha mga nominado para ha Best Actress hira Mylene Dizon para ha ”Habang Nilalamon ng Hydra ang Kasaysayan,” Barbie Forteza para ha ”Kontrabida Academy,” Krystel Go para ha ”I’mPerfect,” Angelica Panganiban para ha ”UnMarry,” Maris Racal para ha ”Sunshine,” ngan Charo Santos para ha ”Only We Know.”
Ha Best Picture category naman in nominado an Bar Boys: After School, Eraserheads: Combo on the Run, I’mPerfect, Journeyman, Quezon, Sunshine, ngan UnMarry.
Magkakatumparak naman para ha Best Director hira Sigrid Andrea Bernardo (I’mPerfect), Antoinette Jadaone (Sunshine), Jeffrey Jeturian (UnMarry), Christian Paolo Lat ngan Dominic Lat (Journeyman), Kip Oebanda (Bar Boys: After School), Jerrold Tarog (Quezon), ngan Maria Diane Ventura (Eraserheads: Combo on the Run).
Ha Best Actor category, nominado hira Carlo Aquino (Bar Boys: After School), Dingdong Dantes (Only We Know), Joshua Garcia (Meet, Greet & Bye), Jericho Rosales (Quezon), JC Santos (Journeyman), ngan Vice Ganda (Call Me Mother).
Samtang, hira Pops Fernandez ngan Kim Atienza an magseserbi nga hosts han ika-9 nga The EDDYS ha ilarom han direksyon ni Calvin Neria.
Pagbubuhaton an The EDDYS Awards Night ha Hulyo 5 ha Ceremonial Hall han Marriott Grand Ballroom, kun diin kikilal-on an mga maghusay nga pelikula ngan personalidad ha industriya han pelikula nga Pilipino.
