TACLOBAN CITY— Naghahangyo an pira nga negosyante nga ibanan an importation ban nga ginpatuman hiton gobyerno.
Sumala kan Frediric Dy, Presidente han Grain Retailers Confederation, ine in kasumpay ha extended nga importation ban han mga imported nga bugas.
Dugang pa hine, an halaba nga importation ban in kanugon matungod nga an mga millers in dire mapalit hin mahal nga humay ha mga parag uma.
Mababaruan nga ginpahaluag an importasyon han imported rice, agud nga matagan hin dalan an mga parag uma ha kada rehiyon nga maibaligya nira an ira mga humay ha insakto nga presyo.
Nagsuhestyon naman ine nga mas maupay nga igbalik nala an 35% nga taripa ha imported rice agud magkamayda hin balanse an ngatanan.
Hapagkayana, nadalagan ha P1,700 an presyo hiton kada sako han lokal rice, samtang ada naman ha P2,200 an kada sako hiton imported rice.
