TACLOBAN CITY- Guinpahayag han pamunuan han Tacloban nga igpapaabot hini ha National Housing Authority (NHA) an ayuda nga pwede igpadangat ha mga nabiktima han sunog ha Barangay Siren han Tacloban dida han nakalabay nga semana.
Guinmalatumat ni Tacloban Vice Mayor Jerry ” Sambo” Yaokasin nga igpapaabot hini ha mao nga buhatan pinaagi han City Housing Authority kun pwede ba nga makatagamtam hin pabahay an mga pamilya nga nawarayan hin panimalay ha mao nga barangay.
Mababaruan nga temporaryo la nga nakikiukoy ha ira mga kaparyentehan an 35 nga mga indibidwal mahuman nga maabo an ira panimalay ha natabo nga sunog.
An kaparte han pamahayag ni Tacloban Vice Mayor Jerry ” Sambo” Yaokasin
Manunumduman nga nagtikang an kalayo ha napabay-an nga kandila nga nagresuta han sunog kun diin ini in may kalabutan han kawaray suplay han kuryente dida han nakalabay ng semana mahuman nga bumag-og an 6.5 magnitude nga linog.
