-- Advertisements --
TACLOBAN CITY – Kinahanglan la gihapon magreport ha tagsa mga eskwelahan an mga magturudto yana nga maabot Mayo 2 tubtob 13, ini in sumala hiton Department of Education (DEPED).
Sumala kan Jasmin Francisco-Calzita, tagapagyakan han DEPED 8, an mga kamaestrahan nga diri kalakip ha magseserbi yana nga 2022 elections in kinahanglan lagihapon sumulod ha mga eskwelahan.
Gin-anunsyo na gihapon han DEPED an suspension han klase ha ngatanan nga pampubliko nga eskwelahan ha nasud tikang ha Kinder tubtob Grade 12 tinikangan Mayo 2 tubtob 13, 2022 matungod hiton eleksyon.
Dugang pa hini, an nasabi nga mga adlaw in naka-set ha mga election related activities han mga magturutdo ngan empleyado han DEPED.
