-- Advertisements --
TACLOBAN CITY – Libre nga ighahatag an mga kontador nga gagamiton ha pagbalyo han suplay han tubig ha mga norte nga barangay han syudad han Tacloban.
Napagdesisyunan manggud han syudad han Tacloban nga saradhan nala an Mactan Rock nga nagsusuplay han tubig ha mga northern barangays ngan ig turn-over ha Prime Water Leyte Metro an kontrol hine.
Sumala kan Ronnie Cornico, General Manager han Leyte Metropolitan Water District, ugsa pa ine maturn-over in kinahanglan anay ine hin mga papeles kun diin madagmit naman napirmahan han mga konsehales han syudad.
Magtitikang naman pagkarawat hin aplikasyon han pagbalhin han suplay han tubig ha mga masunod nga usa ngada ha duha kasemana.
