TACLOBAN CITY – Kanya-kanya na hin mga pakulo an pira nga mga kaunan ngan establishmento ha Tacloban para han nakatalaan nga selebrasyon han Valentine’s Day buwas nga adlaw.
Sumala kan Dexter Manzon, manager han usa kaunan ha downtown area han syudad nakatalaan hira nga mag-abre buwas nga adlaw para hiton Valentine’s day ha kaluyo nga waray hira operasyon ha kada Dominggo nga adlaw.
Dugang pa hini nga simple la an ira magiging pakulo yana nga Valentine’s pinaagi han pagbutang hin dimlight ha ira establishmento ngan paghatag hin libre nga wine ha kada lamesa para ha ira mga customer.
Limitado ngan simple la an ira pagbubuhaton yana nga valentines kumpara han naglabay nga tuig nga mayda nira roleta ngan ginhahatag nga mga prizes ha mga customers.
