TACLOBAN CITY – Magiging exempted na ha COMELEC gun ban an mga judges, prosecutors ngan ombudsman.
Ini in mahuman an proposal han COMELEC en banc nga pag-amyenda han resolusyon kaparte hini.
Sumala kan Jenette Fariola-Ruedas, information officer han COMELEC Regional Office 8, pinaagi han mao nga proposal, automatic na nga exempted an mga huwes, prosecutors ngan ombudsman ha election gun ban tungod manggud nga ginkokonsidera an mga ini nga high risk individuals.
Ha pagkayana in dire pa ini epektibo tungod nga mayda pa usa kasemana an komitiba han COMELEC nga nagpipinalisa han mao nga amendment.
Lalauman naman nga ha masunod nga semana magiging epektibo na ini kun diin magkakaada hin permit to carry firearms an mga judges ngan prosecutors ha gawas han ira mga panimalay agud nga maproteheran an ira mga kalugaringon.
