TACLOBAN CITY – Gin klaro han Department of Education Regional Office VIII nga dire lakip ha ginpatuman nga 4-day work week an mga istudyante ngan teaching staff.
Sumala kan Department of Education Regional Office VIII Information Officer, Jasmin Francisco-Calzita, para ha ira nga aada la ha opisina nagtatrabaho ngan dire nagtututdo ha kabataan in magkakamay-ada hira hin upat ka-adlaw nga face-to-face work ngan usa kaadlaw nga work-from-home.
Dugang pa hini, pira nala kaadlaw in maghuhuman na an klase han kabataan sanglit kinahanglan nira kumadto ha mga iskuylahan, ngan sugadman gihapon in exam season yana nga semana.
Dire gihapon pwede ig-apply ha kabataan an bag-o nga kamanduhan mahitungod nga maaapektaran an ihap han school days ngan mayda pa ginlalauman nga outputs tikang ha mga istudyante.
Mababaruan nga maghuhuman an klase han mga istudyante ha ilarom han DepEd yana nga Marso 31.
Ha pagkayana in naghuhulat pa naman hira han igpapagawas nga school calendar para han School Year 2026-2027, pero ginlalauman nga ha syahan nga Lunes han Hunyo in magtitikang na an klase.
