Sumala kan PMAJ. Leonides Sydiongco, Station Commander han San Jose Police Station 1, nga mayda na gihapon hira mga nakakarawat nga mga report kaparehos han mao nga insidente pinaagi ha social media.
Dugang pa han mao nga opisyal nga kasagaran ha mga complainants in dire na nagsasalawad hin kaso pananglitan nga nahihi-balik na ha ira an ira mga properties, sugad han bag, loptop, cellphone ngan iba pa nga mga ginkawat.
Ine an usa ha mga nagigin rason kun kay-anu padayon nga nagkakamayda hin mga sugad nga insidente ha syudad.
Ginmalatumat pa hine nga pananglitan nga nakaka-karawat hira hin sugad nga reklamo in na-aalarma an mga kapulisan sanglit nga ira dayon ginpapanginano an mao nga mga panhitabo pinaagi han pag-identipika han pangilal-an han suspetsado.
Nananawagan naman ine ha publiko nga pananglitan maka-experyensya hin sugad nga mga insidente in dayon nga makipagsumapayan ha ira buhatan agud nga dayon matagan hin kaangayan nga aksyon.
