NATIONAL – Gintagan duon han National Bureau of Investigation nga waray angay igkaalarma an publiko kasumpay ha mga insidente han kidnapping ha nasud.
Ine in kahuman han nahipatik nga pagkidnap ngan pagpatay ha usa nga negosyante nga Filipino-Chinese nga hi Anson Que.
Sanglit, nagpahinumdom an ahensya ha mga Pilipino ngan magin ha nasabi nga kumunidad nga dire mabaraka mahitungod nga may aksyon nga ginbubuhat an gobyerno.
Sumala manggud kan National Bureau of Investigation Director Jaime B. Santiago, an pira nga organisasyon han mga Filipino-Chinese ha nasud in na-alarma na ha mga panhitabo.
Pero gin sigurado naman han nasabi nga direktor nga ha kaluyo han pahimatngon, waray angay igkabaraka mahitungod nga an Department of Justice, Philippine National Police, ngan iba pa nga ahensya han gobyerno in pinangungunahan an pagresolba ha nasabi nga isyu han nasud.
Gin patapod gihapon hine nga makakasigurado an publiko ha dayun nga paghimo nira hin aksyon kasumpay ha mga nahipatik nga insidente han kidnapping.
