TACLOBAN CITY — Dismayado an mga barangay officials ha Sinirangang Bisayas mahuman nga makansela an nakatalaan unta nga pag atinder ni Presidente Rodrigo Duterte ha barangay summit on peace and order ha Palo Leyte.
Sumala kan Kapitan Lezel Lipyo, han Pintuyan Southern Leyte, nga maiha na niya nga ginpapamulat nga makitan hin personal an presidente pero waray daw la gihapon ini kahanayon.
Kaudgan daw ha ira in temprano pa nga nanbiyahe tikang ha ira mga lugar ngan pag abot ha Palo in naghinulat pa hin maiha ha pag abot han presidente.
Sugad man, waray daw masayang an pira ka oras nira nga paghinulat tungod damo naman an ira mga nahibaruan ha gindumara nga summit.
Nahibaruan nga an pira ha mga ginpapaghingadayan ha barangay summit on peace and order amu an pagpadangat han impormasyon ngan pamaagi ha pagpuypoy han illegal nga droga, kriminalidad, korupsyon ngan violent extremism ha kada mga barangay.
