TACLOBAN CITY- Maabot ha 2, 565 nga mga aplikante han Balik Tacloban Program karuyag nga makapanguli tikang han nakalabay nga han Abril 5- kutob han Mayo 20, yana nga tuig.
Sumala kan Randy Calahi, Head Management Information System 2 Tacloban, nga ha mao nga ihap na denied an maabot 1, 243, karuyag sidngon in dire kompleto an mga papeles o kun dokumento nga gin kikinahanglan han usa nga aplikante nga karuyag umole ha Tacloban. Dugang pa hine nga yana la nga semana in nakaghipatik hin maabot ha 71 nga mga aplikante an karuyag nga umole ha kada-adlaw dinhi ha syudad.
Ine nga ihap in mas hitaas kumpara han nakalabay nga mga semana. Ginhihingita naman nira nga usa ha mga rason kun kay-ano nga naghitaas an porsyento han mga mangunguli ha syudad yana nga bulan in matungod han kapyestahan. Para naman han mga Authorized Persons Outside Residence o kun APOR, in ginkikinahanglan la gihapon nira nga magparehestro ha Balik Tacloban ngan sugadman in kinahanglan gihapon nira magkamayda hin antigen test ngan swab test nga negative iton resulta.
Ginpahibaro naman han mao nga opisyal nga usa ha mga ginkikinahanglan nga dokumento in an QR Code pinaagi han pagda-download han (safecity.tacloban.gov.ph)
14147 SharesLikeCommentShare
