-- Advertisements --
TACLOBAN CITY– Dead on arrival an usa nga menor de edad, mahuman ine nga aksidente nga maligis han usa nga Toyota Wigo ha Kananga Leyte.
Sumala kan PMaj. Romeo Sudario,Chief of Police Kananga Municipal Police Station, nga subay ha ira imbestigasyon, nga nakuha ha nanay han bata, nagbabaktas an mga ine ha ligid han karsada, ngan tigda nala tumabok an bata.
Ha mao nga panhitabo, waray ine ka-kapti han iya nanay, ngan sakto naman nga may naagi nga sarakyan, ngan aksidente nga natudol an biktima, rason han iya dayon nga kamatayon.
Dugang pa ni PMaj. Sudario, ha pagkayana nagkasabot na an kag-anak ngan han kampo han nakaligis, nga babatunon han mga ine an tanan nga mga panginahanglan han pamilya nga ginbayaan han menor de edad.
