TACLOBAN CITY – Usa nga patay nga lawas an nahikit-an ha kalalawdan han Marabut, Samar.
Ginkilala an biktima nga usa nga lalaki, 11-anyos an pangidaron, ngan residente han Brgy. District 4, Pastrana, Leyte.
Sumala kan PMaj. Marjorie Manuta, Information Officer han Tacloban City Police Office, usa nga parupangisda an nakakita han patay nga lawas han biktima nga naglulutaw-lutaw ha kadagatan sanglit nakipagsumpayan ine ha Coast Guard han Tacloban City.
Basar han inisyal nga imbestigasyon han mga otoridad, nahi-report an biktima nga nawawara dida han nakalabay nga Enero 2 ha Tanauan, Leyte kun diin gin aalegar nga nalumos ine.
Ugsa pa daw an insidente in nangangarigo daw an biktima kaupod an iba pa hine nga upod han madara ine han dako balud ha butnga han kadagatan.
Mahuman nga makumpirma han pamilya an patay nga lawas in dayon ine nga gin claim agud nga tagan hin desinte nga lubong.
