TACLOBAN CITY – Saram an usa nga 14-anyos nga lalaki mahuman nga bun-on hin usa nga 62-anyos nga lalaki dida han nakalabay nga adlaw ha Magsaysay Boulevard Brgy 25, Tacloban, City.
Ginkilala an biktima kan alyas Ben, ngan residente han nasabi nga lugar, samtang an suspek in ginkilala naman kan alyas Pedro, parking boy, ngan residente han Brgy. Borseth Alangalang, Leyte.
Sumala kan Tacloban City Police Office City Affairs and Development Unit Head, PLt. Col. Allan Camasin, gin kursunada la an biktima han suspek ha pagbun-an hine mahitungod nga waray man nakikita nga iba nga rason han panmuno.
Subay naman han imbestigasyon, nagtataragay an suspek kaupod an duha nga hine nga upod han lumabay an biktima, kun diin ha paglabay han biktima in tigda gihapon nga bumuhat an suspek ngan ginpanmumuno an biktima gamit an haros unom ka-pulgada nga pisaw.
Nag-angkon hin mga binun-an ha lawas an biktima, kun diin dayun liwat ine nga gindara ha usa nga pribado nga hospital dinhi ha syudad.
Samtang, kumalagiw naman an suspek tipakadto ha may port nga area pero naaresto gihapon ine han Special Weapons and Tactics (SWAT) team ngan narekupo an pisaw nga ginamit hine ha insidente.
Nahibaruan naman, subay ha testigos han mga witness, nga naghithit hin rugby an suspek ugsa ine mag-inom.
Ha pagkayana in napasakahan na hin kaso an suspek ngan nakadetine na.
