-- Advertisements --
INTERNATIONAL NEWS– Naglunsar an Russia hin pinakadako nga aerial attack kontra ha Ukraine.
Subay ha Ukraine military maabot ha 537 nga mga aerial wepons an ginpauran han Russia ha ira.
Kalakip na dinhi an 477 nga mga drones ngan decoys sugadman an 60 nga mga missiles.
An nasabi nga ihap 249 dinhi an napalaprak nira ngan 226 naman an nawara nga na-electric jammed.
Ginkokonsidera ine han Ukraine nga pinakadamo nga air strike han Russia tikang han magtikang an gyera sobra 3 katuig na an nakakalabay.
Kaupod ha mga lumaprak an fighter jet han Ukraine han mag probar ine nga tapuon an pira nga mga drones.
Nataranta naman an Poland kun diin nagpalupad hira hin mga fighter jets agud nga siguraduhon an katalwasan han ira airspace.
