TACLOBAN CITY- Padayon nga tututukan han Leyte Police Provincial Office an mga operasyon nga guinbayaan han pagpamuno ni Colonel Franco Simboro.
Sumala kan PSSupt Norberto Tuazon, kumo panibag-o nga Hepe han LPPO, nga igpapadayon hini an mahugot nga operasyon ala kontra han iligal nga droga, illegal gambling, pagdakop han mga wanted person ngan damo pa nga iba.
Dugang pa ni Tuazon nga diri ini bag-uhan ha Sinirangan Bisayas mahitungod nga anay guihapon ini nga guin assign ha LPPO, ha PRO 8, ha Tacloban City Police Office ngan ha iba pa guihapon nga operation.
“An instruksyon ha akon tutukan an drug deal operation ngan an Anti Illegal drugs operation against HVT. Sugad man focus more on sustaining the anti-illegal drug operation as it was mandate from our President and our Chief PNP”, sumala kan PSSUPT Tuazon
Han dida la nga Sabado han manumpa hi Tuazon para han iya bag-o nga posisyon.
Mababaruan nga sobra pala semana ha panibag-o nga posisyon hi Tuazon mahuman nga balyuan an pira ka tuig nga panirbihan ni Colonel Franco Simboro ha Leyte Police Provincial Office
Gindayaw naman han Kapulisan han PRO-8 an naging maupay nga serbisyo ni Simborio komo Tagmanggulo han LPPO.
