-- Advertisements --
NATIONAL – Mas damo nga kompanya na daw an abri nga mag-hire hin mga senior high school graduates.
Ine in basar ha usa nga pag-aram nga gindumara han Philippine Business for Education (PBEd).
Ha ilarom han 2024 Jobs Outlook Study han PBEd, nagawas nga humitaas an posibilidad han pag-hire han mga kompanya ha mga K-12 graduates kun diin upat tikang ha lima nga mga firm an “willing” nga mag-hire hin senior high school graduates.
An nasabi nga pag-aram hin nasakop ha 299 nga participants nga ginkakalakipan han 14 nga dagko nga kompanya, samtang 86% an ginbubug-os han micro, small and medium enterprises (MSME).
Subay ha PBEd, pagpamatuod ine ha potensyal han K-12 program ha nasud kun diin nahihimo nga makag-produce hin mga employable graduates.
