ORMOC CITY–Umabot ha walo nga fisherfolk associations o sobra 400 coastal families an nakakarawat han 24.5-hectare facility han Ormoc City Mariculture Park han Department of Agriculture Regional Field Office 8 ngan Bureau of Fisheries and Aquatic Resources (DA-BFAR) ha syudad han Ormoc.
An nasabi nga Mariculture Park facility kun in fully covered hiton Environment Compliance Certificate (ECC) kun diin nag-susunod ini ha tema nga “Cultivating a Sustainablr Legacy, Securing a Thriving Livelihood”.
Sumala kan BFAR 8 OIC RD Dominador Maputol, panuyuan han nasabi nga mariculture park in agud mas mapadamo pa an produksyon han mga milkfish o bangus ngan high-value species. Ginlalauman naman nga makakaharvest hin 38 metric tons hiton bangus an mao nga mga benepisyaro ha ika duha nga semester han tuig 2026.
Kasumpay hini nga mariculture park in nag alutaga an ahensya han BFAR hin maabot P12 million worth of interventions sugad han aquaculture fish cages para ha livelihood program kaupod na an upat nga circular HDPE cages, upat nga modular HDPE cages, sugad man an feeds ug harvest supplies.
Samtang nag hatag naman hin 20 nga bamboo cages an lokal nga panggobyernohan han Ormoc kumo indibidwal nga supporta ha mga fisherfolk.
via | Bombo Niña Magpili
