TACLOBAN CITY – Ginpahayag ha Provincial Government han Leyte nga magpapabilin an mga aludayday nga ginpapatuman ha pagkayana subay ha COVID-19 alert level status han mga bungto han probinsya.
Ini in ha kaluyo han mapaso nga himangrawon ha pagkayana kun angay na ba tanggalon an mandatory nga pagsusul-ot han facemask.
Sumala kan outgoing Leyte Governor Leopoldo Dominico Petilla, ha kaluyo nga habubo an kaso han COVID-19 ha probinsya dire pa ini rason para magkaada hin pagbabag-o ha mga ginpapatuman nga mga aludayday.
Dugang pa hini nga an padayon nga pagtikaupay han COVID-19 situation ha probinsya in nangangaruyag signgon nga epektibo an mga aludayday ngan an mga health protocols sugadman an proteksyon nga hatag han mga COVID-19 vaccines.
An padayon gihapon daw nga pagpatuman han mao nga mga aludayday in dire makakaapekto ha ekonomiya han probinsya tungod nga ha pagkayana in padayon ini nga nakakabawi ngan nakakabakdaw.
