Gin ayat han Malakanyang an Office of the Vice President (OVP) nga magin abri gihapon ha publiko mahuman hangyuon han kampo ni Vice President Sara Duterte an pagpapagawas hin iba pa nga travel authority ngan gastunson ha mga biyahe nga gin aaprubahan han Palasyo.
Sumala kan Palace Press Officer Claire Castro, waray gintatago nga impormasyon an Malakanyang ha mga foreign trips ni Presidente Ferdinand Marcos Jr.
Regular daw nga ginpapahibaro ha publiko an mga biyahe han Presidente ngan may-ada mga press briefing samtang aadto ini ha iba nga nasud.
Iginduon ni Castro nga dokumentado an gastos ha mga biyahe ngan iginpapasa an mga ini ha Commission on Audit (COA).
An pahayag ni Castro in kasunod han pagkansela han OVP ha nakatalaan nga pagkadto unta ni VP Sara ha Japan dida han Agosto 19-24, 2026.
Gin klaro naman han Palasyon nga nakarawat han OVP an travel authority dida han Agosto 17, alas-12:41 han udto, samtang nakarawat naman han Malakanyang an abiso han pagkansela dida han Agosto 18, alas-6:07 han gab-i.
