NATIONAL – Ginpahayag han Palasyo han Malakanyang nga an publiko an mayda kapas nga magyakan kun hin-o ha mga senador an patas ngan kun hin-o an mayda ginkakampihan ha butngan han impeachment trial ni Vice President Sara Duterte.
Baton ine han Palasyo mahuman nga pakianhan kasumpay ha pahayag han Bise Presidente nga kinahanglan daw mag-inhibit tikang ha pagdungog an mga senador nga daw bias kontra ha iya.
Sumala kan Palace Press Officer Claire Castro, makikita han publiko ha mga gios ngan desisyon han mga senador kun an ira mga aksyon in nasusubay ha balaos ngan ha prinsipyo han Rule of Law.
Waray naman na asiha han Malakanyang an personal nga panlantaw ni VP Sara kasumpay ha nasabi nga isyu.
Duon pa ni Castro, kinahanglan pabay-an an impeachment court nga pagbuhaton an trabaho hine, samtang an publuko naman an magdedesisyon kun nagin patas ngan makatarungan an nagin pagganap han mga senator-judges.
