Gin pamatud-an han usa nga makeup artist ngan content creator nga hi Zaina Kigenyi nga an pagpapahusay in nanginginahanglan gihapon hin kalaksi ngan precision. Ginkilala hiya han Guiness World Records mahuman hini mabutangan hin lipstick an siyam nga modelo ha sulod la hin usa kaminuto.
Gin perdi ni Kigenyi an anay record nga walo. Sumala pa ha iya, gin kinahanglan hin mahugot nga pagplano ngan techniwue agud masiguro nga sulod ha unom kasegundo an kada aplikasyon hin dire ginsasakripisyo an kalidad.
Nagtikang an interes ni Zaina ha makeup mahuman nga madismaya ha iya istura dida han umatender hiya han prom, sanglit nagdesisyon hiya nga pag-adman ine agud mabuligan an iba pa nga kababayin-an.
Ha yana, gamit an iya kalugaringon nga brand nga Zyna Make Up, panuyo hini nga maghatag hin tutorials ngan empowerment ha mga kababayin-an pinaagi han beauty.
Para ha iya, an rekord in dire pankalugaringon nga kadaugan kundi pagkilala gihapon ha industriya han content creation ha ira nasud.
