TACLOBAN CITY – Ginbay-og hin magnitude 5.6 nga linog an area han Hernani, Eastern Samar dida han gab-i han nakalabay nga adlaw.
Sumala kan Hernani, Eastern Samar Municipal Disaster Risk Reduction Management Officer, Lanie Mae Dingal nga basar han ira assessment in waray naman hira may nahipatik nga dako nga kagub-an ha mga kabablayan ngan mga infrastructure han mao nga lugar.
May nareport nga mayda nira nakita nga guti-ay nga gipak ha pira nga parte han lugar pero gindeklara ini nga non-threatining o kun dire makakaghatag hin kadelekaduhan.
Dugang hini, nga waray gihapon hira nahipatik nga casualty o kun nasamaran ha nasabi nga pag-linog.
Samtang, padayon naman iton ira monitoring ngan panlibot mahitungod nga nakakaabat la gihapon an Hernani hin paglinog ngan mga aftershocks sugad man ha mga kahirani nga mga bungto hini.
