TACLOBAN CITY – Dakop an duha nga magbugto ha gindumara nga drug buy-bust operation han mga otoridad ha Brgy. 110 Utap, Tacloban City kakulop nga adlaw, Setyembre 26, 2024.
Ginkilala an suspetsado kan alyas “JP,” 26-anyos nga lalaki, usa nga trabahador ha kontruksiyon, ngan kan alyas “Fe.” usa nga 51-anyos nga babaye, self-employed, ngan parehas residente han mao nga lugar kun diin, ginkilala an duha kumo high-value drug personalities.
Narekupo han mga otoridad ha mga suspek an usa ka-pakete han ginaalegar nga “shabu” ha butnga han operasyon, ngan kadugangan pa nga 34 ka-pakete, mga drug paraphernalias ngan buy-bust money.
Maabot ha porluminos 150 ka-gramo an kabug-aton han ginaalegar nga shabu kun diin, nagkakantidad ini hin maabot P1,020,000.
Ha pagkayana, in nakapaslak na an mga suspek kun diin, papasakahan na an mga ini ha pagtalapas han balaud han Section 5 (Sale of Dangerous Drugs) ngan 11 (Possession of Dangerous Drugs) Article II han RA 9165, o Comprehensive Dangerous Drugs Act of 2002.
