-- Advertisements --
NATIONAL – Igin mando han Davao City Regional Trial Court Branch 15 ha mga tawuhan han Philippine National Police (PNP) an pag-iwas ha compound han Kingdom of Jesus Christ (KOJC) ha nasabi nga syudad.
Subay ha tulo ka-page nga kamanduhan nga ginpirmahan ni Judge Mario Duaves, ginpapaundang han korte an mga aktibidad han pulisya ha nasabi nga lugar.
Ginpapatanggal gihapon ha PNP an mga barriers nga ada ha entry points han compound.
An kamanduha in ginpagawas kahuman han hangyo nga temporary protection order han kampo ni Quiboloy mahitungod ha maiha na nga pagpapabilin han mga tawuhan han gobyerno ha ira lugar-sambahan.
