TACLOBAN CITY – Ginrereklamo han usa nga nanay an usa nga maestro mahuman daw hini hirami ha pribado nga parte an lawas an iya mga anak.
Sumala ha reklamante, natrauma daw an iya mga anak ha mao nga panhitabo.
Tuig 2016 nahitabo daw an an syahan nga pangaham han mao nga maestro ha iya suhag. Nahadlok an bata rason nga waray anay ini magsumat haira. Dida na nag-amin an iya suhag nga anak han ginbuhat haiya han iya teacher mahuman nga magsumat an iya usa pa nga anak han diri maupay nga ginbuhat haiya han nasabi nga maestro.
an pamahayag han usa nga nanay nga tagreklamo
Naghaon naman hira hin reklamo ha RTC pero gindismiss daw an kaso. Dumangop naman ini ha Leyte Division Office para magreklamo pero ginsidngan daw ini legal officer nga igpapatawag nala.
Magduduha na katuig an nakalabay tikang ini magreklamo in waray la gihap hiya ipapatawag han mao nga buhatan.
an kadugangan nga pamahayag han tagreklamo
Sumala naman ha usa nga maestra, gin-aalegar nga ginkaptan an kamot ngan hawak han iya 16 anyos nga estudyante han mao nga maestro ngan waray ini karuyagi han iya estudyante.
an kaparte han pamahayag han maestra nga reklamante
Sumala naman kan Dr. Ronilo Firmo han DepEd Leyte Division Superintendent nga gin-aaghat niya an mga tagreklamo nga bumalik ha ira opisina agud nga mapaghiruhimangrawan nira kaupod an legal counsel han DepEd an mao nga panhitabo.
Makakaglaum daw an mga reklamante nga igfollow up dayon nira an mao nga insidente.
An kaparte han pamahayag ni DepEd Leyte Division Superintendent Ronilo Firmo
