NATIONAL NEWS—Lauman an paghamubo hiton pamasahe ha mga eroplano ha bulan hiton Hunyo.
Ine in mahuman nga magpatuman an Civil Aeronautics Board (CAB) hin pinaka hamubo nga fuel surcharge.
Subay ha CAB, nga ira ginpahamub-an ha Level 3 an surcharge para ha Hunyo tikang ha anay Level 4 yana nga bulan hiton Mayo.
Matungod dinhi, magbabayad an mga pasaheros hin dugang nga P83-P300 para ha domestic flights ngan P273.36 -P2,032.54 para ha mga flights abroad ha ilarom han Level 3.
Mas hamubo ine ha anay Level 4 tikang ha P117 -P342 para ha domestic flights ngan P385.70 -P2,867.82 para ha international flights.
An mga fuel surcharges in duganga nga kabaraydan nga igpapatuman han mga airline companies para buligan an mga ine nga makabakdaw ha kantidad han fuel nga ira ginbabayaran.
Mababaruan nga bulag naman ine ha base fare o aktual nga ginbabayaran han mga pasaheros.
