TACLOBAN CITY – Maabot na ha 70 nga kabataan an naapektarahan han Hand, Foot and Mouth Disease ha ha magkalain-lain nga bungto han Eastern Samar.
Sumala kan Abner Aclao, Division Information Officer han DEPED Eastern Samar, ha bungto han Balanggiga in may-ada 11 nga kaso, 3 ha General Macarthur, 12 naman ha Lorente, 18 ha San Julian, 11 ha Salcedo II nga nag total ine hin 70 nga mga kaso.
Subay han mao nga opisyal, nagpagawas hin usa nga Division Memorandum for Health Advisory para hine nga Hand, Foot and Mouth Disease nga kun diin padayun na iton pag conduct hiton information drive ha mga eskwlehan para matagan hin awareness iton mga kabataan nga mga kag-anak.
Nagpahimatngon naman ine ha mga kag-anak, pananglitan daw in may-ada ginpapakita nga sintomas iton usa nga bata sugad hiton rashes in dire laanay papasudlon ngan sugadman in tatagan ine hin modules.
Hapagkayana in padayun naman iton ginbubuhat nga monitoring han mao nga buhatan ha mga kabataan ngan eskwelahan agud nga malikayan iton pagsarang hine nga virus.
