TACLOBAN CITY – Nakapreposition na ha pagkayana an yinukot-yukot nga mga family food packs nga gin-andam han Department of Social Welfare and Development (DSWD) Regional Office 8 para han mga madadarahigan han bagyong Auring nga ginlalauman nga maglandfall buwas nga adlaw.
Sumala kan Joshua Kempis, Joshua Kempis, Information Officer Disaster Response Management Division han DSWD 8, ha pagkayana in maabot na ha 9,000 nga mga family food packs an nakaandam ngan padayon an ira ginbubuhat nga repacking.
Nagpadara na gihapon hira hin family food items ha Biliran ngan Southern Leyte nga ginlalauman nga aagian han bagyo.
Labot la ha material preparations, mayda gihapon pisikal nga mga preparasyon an DSWD 8 partikular na an pag-alerto han quick response team nga nagmomonitor ha sitwasyon han bug-os nga rehiyon.
