TACLOBAN CITY – Temporaryo nga waray kadayun an pagpapa demolish han maabot 50-60 nga pamilya nga nahimumutang ha Barangay 2 Jones Street, Tacloban City.
Sumala kan Konsehal Marvin Selga han Brgy 2 Jones street nga kakulop nga adlaw han magkamay-ada hin komosyon ha butnga han mga residente ngan sugad man han tinaglawas han City Engineers Office.
Pero mahuman an pira ka diskusyon in napagkasarabutan han duha nga partido nga diri la anay an igdadayun han City Engineers Office an pagdemolish
Sumala kan Selga nga nagpatapod an CEO nga ugsa nga igdemolish an mga balay nga nahimumutang ha road right of way in kinahanglanun anay nga mayda an mga ini pagbabalhinan.Naghatag liwat hin panahon an mao nga buhatan agud nga makag andam an mga residente ha ira pagbalhin.
