TACLOBAN CITY — Nakatalaan nga patikangan buwas nga adlaw ha Catbalogan City, Samar an Conference and Executive Bureau (ExBu) meeting han United Cities and Local Government Asia Pacific (UCLG ASPAC).
Sumala kan Catbalogan Mayor Stephany Uy-Tan nga maabot ha upat kaadlaw an mao nga katitirok nga mahagos ha Abril 7, 2017, Biyernes nga adlaw.
Dugang pa han mao nga opisyal nga lalauman an pag atender han maabot 300 nga mga local ngan international nga mga delegado tikang ha magkalain-lain nga Asia-Pacific region kun diin makasunod-sunod nga forum an pagbubuhaton.
Guinmalatumat guihapon hini nga an mao nga katitirok in usa nga oportunidad para ha syudad ngan han local government units han Sinirangan Bisayas agud makag-aghat hin mga international nga investors.
Mababaruan nga an United Cities and Local Government Asia Pacific (UCLG ASPAC) in usa nga worldwide nga asosasyon han local government organizations nga ginkikilala han United Nations.
