TACLOBAN CITY – Umabot na ha 1,554 nga mga total cases tikang dida han 1984 han mga nagpopositibo ha human immunodeficiency virus (HIV) ha bug-os nga Sinirangan Bisayas an naitatala han Department of Health Eastern Visayas subay ha datos dida han Setyembre 2022.
Ini in mahuman nga nakaghipatik hira hin 18 nga mga bago nga mga Persons Living with HIV ha bug-os nga rehiyon, samtang 11 naman an mga naitala nga mga bago nga namatay nga kun diin, umabot na yana nga tuig ha 107 total deaths.
Ginpasabot gihapon han mao nga buhatan nga mayda na 811 nga mga kaso an nagtikang ha Probinsya han Leyte, ngan 880 naman an nagpapadayon ha therapy.
Sumala kan Dr. Ludina Insigne, NASPCP Medical Coordinator han DOH-Eastern Visayas, nga nagpapabilin nga kaurugan han mga nagpositibo in mga kalalakin-an.
Gin aaghat gihapon nira an publiko nga wad-on na an stigma nga nakapalibot hiunong ha mga nagpopositibo ha HIV/AIDS.
